ශ්‍රී ලංකාව අවසන් පූර්ව වටයට යන ගමන -How the Sri Lankan team will Step to the semi-finals

ශ්‍රී ලංකාව අවසන් පූර්ව වටයට යන ගමන -How the Sri Lankan team will Step to the semi-finals

Twenty20 World Cup 2022

මෙවර විස්සයි විස්ස ලෝක කුසලානයේ සුපිරි කණ්ඩායම් දොළහ අතර තරග වටයේ 1 කාණ්ඩයේ තරග ලෙස ඊයේ දිනයේ (01) පැවැත්වූ තරග ප්‍රතිඵල සමඟින් නැවතත් එම කාණ්ඩයෙන් අවසන් පූර්ව වටයට යන කණ්ඩායම් මොනවද යන්න පිළිබඳ කතාබහට ලක් වෙමින් පවතිනවා .

ඊයේ ඇෆ්ගනිස්තානයට එරෙහිව ශ්‍රී ලංකා කණ්ඩායම ලද ජයග්‍රහණයත් , නවසීලන්තයට එරෙහිව එංගලන්තය ලද ජයග්‍රහණයත් හේතුවෙන් කණ්ඩායම් පහකට අවසන් පූර්ව වටය දක්වා යෑමේ විවෘත අවස්ථාවක් තවමත් ඉතිරිව පවතිනවා.

අවසන් පූර්ව වටයට යන කණ්ඩායම් දෙක පිළිබඳ අවසන් තීරණය මෙම කාණ්ඩයෙන් පැවැත්වීමට ඉතිරිව ඇති තරග තුනකින් ලැබීමට නියමිතයි .

නවසීලන්තය

ක්‍රීඩා කළ තරග සංඛ්‍යාව: 4
ලකුණු: 5
දල ලකුණු වේගය: 2.233
ඉතිරිව ඇති තරගය: අයර්ලන්තය සමඟ (ඇඩිලේඩ් හිදී)

ඊයේ එංගලන්තය ඉදිරියේ පරාජය වුව ද , තවමත් අවසන් පූර්ව වටයට පිවිසීමේ වැඩිම අවස්ථා ඇති කණ්ඩායම නවසීලන්තයි . කෙසේ වෙතත් සිකුරාදා (04) අයර්ලන්තය හමුවේ නවසීලන්තය පරාජය වුවහොත්, ඔවුන්ට ඕස්ට්‍රේලියාව ඇෆ්ගනිස්තානය හමුවේ පරාජය වන තුරු බලා හිඳීමට සිදු ව නවා

එංගලන්තය

ක්‍රීඩා කළ තරග සංඛ්‍යාව: 4
ලකුණු: 5
දල ලකුණු වේගය: 0.547
ඉතිරිව ඇති තරගය: ශ්‍රී ලංකාව සමඟ (සිඩ්නි හිදී)

කෙසේ වෙතත් එංගලන්තය පැත්තෙන් බලන විට ඔවුන්ට ඉතා හොඳ අවස්ථාවක් ඉතිරි වී ඇත, මන්ද යත් ඔවුන් මෙම කාණ්ඩයෙන් පැවැත්වෙන අවසන් තරගය ක්‍රීඩා කිරීමට නියමිත හෙයින් තමන් කළ යුත්තේ කුමක් දැයි නිවැරදිව ම දැන ගත හැකි බැවිනි.

සෙනසුරාදා එංගලන්තය ශ්‍රී ලංකාව හමුවේ පරාජය වුවහොත් එය ඔවුන්ගේ මෙවර ලෝක කුසලාන ගමනේ අවසානය වනු ඇත

ඕස්ට්‍රේලියාව

ක්‍රීඩා කළ තරග සංඛ්‍යාව: 4
ලකුණු: 5
දල ලකුණු වේගය: -0.304
ඉතිරිව ඇති තරගය: ඇෆ්ගනිස්තාන සමඟ (ඇඩිලේඩ් හිදී)

සෙනසුරාදා එංගලන්තය හා ශ්‍රී ලංකාව මුණ ගැසීමට පෙර ඕස්ට්‍රේලියාවට ඇෆ්ගනිස්තානය මුණ ගැසෙන නිසා ඔවුන් කළ යුතු දෙය වන්නේ හැකි තරම් ඉහළ පරතරයක් රඳවා ගනිමින් එම තරගය ජයග්‍රහණය කිරීමයි.

ශ්‍රී ලංකාව

ක්‍රීඩා කළ තරග සංඛ්‍යාව: 4
ලකුණු: 4
දල ලකුණු වේගය: -0.457
ඉතිරිව ඇති තරගය: එංගලන්තය සමඟ (සිඩ්නි හිදී)

අවසන් පූර්ව වටයට දැන් තරග කරන කණ්ඩායම් 5 අතරින් ඉරට්ටේ ලකුණු ඇති එකම කණ්ඩායම වන්නේ ශ්‍රී ලංකාවයි. (වර්ෂාව නිසා කිසිදු බාධාවක් තරගවලට ඇති නොවීම නිසා)

ඔවුන්ට තරගාවලියේ ඉදිරියට යාමට නම් අනිවාර්යයෙන් ම සෙනසුරාදා එංගලන්තය පරාජය කළ යුතුයි. එමෙන්ම එම ජයග්‍රහණය ලැබීම පමණක් ප්‍රමාණවත් නොවන ශ්‍රී ලංකා කණ්ඩායමට නවසීලන්තය හෝ ඕස්ට්‍රේලියාව විසින් තරගයක් පරාජය වන තෙක් බලා හිඳීමට ද සිදුවනවා.